Karatschi كراچى | ||
Staat: | ![]() | |
Browinz: | Sindh | |
Koordinaten: | 24° 52′ N, 67° 1′ O | |
Hööchi: | 8 m | |
Flechi: | 3 527 km² | |
Iiwooner: | 13.052.000 (2010) | |
-Metropolregion: | 15.700.000 (2010) | |
Bevölkerigsdichdi: | 3.701 Iiwooner bro km² | |
Zitzoone: | PST (UTC+5) | |
Delifonvorwaal: | (+92) 021 | |
Bostläitzaal: | 74000-75900 | |
Auti-Kennzäiche: | KA und KC | |
Gliiderig: | 18 Stadtbezirk | |
Nazim (Bürgermeister) : | Syed Mustafa Kamal | |
Website: | ||
Karatschi (änglisch: Karachi, Urdu كراچى, Sindhi: ڪراچي) isch die grössti Stadt in Pakistan und d Hauptstadt vo dr Browinz Sindh. Bis 1959 isch es die pakistanischi Hauptstadt gsi.
Karatschi het 13,1 Millione Iiwooner (2010)[1] und isch äini vo de grösste Stedt uf dr Wält. In dr Agglomerazioon lääbe 15,7 Millione Lüt (2009).[2] In Pakistan git s aber kä Behörde, wo d Woonsitz vo Persone registriere, doorum si die Iiwoonerzaale Hoochrächnige uf dr Basis vo de Resultat vo Volkszelige.
S Verwaltigsgebiet vo Karatschi isch kä zämmehängends Stadtgebiet, sondern weer – mit sinere ländlige Siidligsstruktur, wo usserhalb vo dr Kärnstadt dominiert – eender mit ere chliine Browinz vergliichbar.
D Stadt isch s Wirtschafts-, Handels- und Brodukzionszentrum, Vercheerschnote, Kulturzentrum mit vile Uniwersidääte, Hochschuele, Forschigsiirichdige, Museum, Galerie und Baudänkmööler em grösste Haafe vom Land. Äini vo de bedütendste Seenswürdigkäite isch Mazar-e-Quaid, s Mausoleum vom Gründer vo Pakistan, Mohammed Ali Jinnah (1876–1948), wo in dr Stadt uf d Wält cho und au dört begraabe isch.
© MMXXIII Rich X Search. We shall prevail. All rights reserved. Rich X Search